Kandiq: Thaçi i dërgoi mesazh të qartë Qeverisë dhe qytetarëve të Kosovës, SHBA aleati më i rëndësishëm
Themeluesja e Fondit për të Drejtën Humanitare, Natasha Kandiq, ka vlerësuar se fjala e ish-presidentit të Kosovës, Hashim Thaçi, në seancën hapëse të mbrojtjes të martën, dërgoi mesazh të qartë drejt Qeverisë së Kosovës – SHBA është partneri më i rëndësishëm.
Kandiq një gjë të tillë e ka thënë nëpërmjet një postimi në llogarinë e saj në ‘Twitter’, teksa ka shtuar se Thaçi ftoi bashkësinë ndërkombëtare të hetojnë raportin e Dick Martyt, të miratuar si rezolutë nga Këshilli i Evropës, shkruan Demokracia.com.
“Hashim Thaçi nga Haga i ka dërguar mesazh të qartë qeverisë dhe qytetarëve të Kosovës se SHBA-të janë aleati më i rëndësishëm. Ai tha gjithashtu se ka ftuar bashkësinë ndërkombëtare që të bëjë një hetim ndërkombëtar në lidhje me raportin e Dick Marty-t në Këshillin e Evropës”, ka shkruar Kandiq.
Hashim Thaci iz Haga poslao jasnu poruku vladi i gradjanima Kosova da je SAD najvazniji prijatelj. Rekao i da je on pozvao medjunarodnu zajednicu da provede medjunarodnu istragu povodom izvestaja Saveta Evrope – Dika Mmartija.
— Natasa Kandic (@natasakandic) April 4, 2023
