Kancelari Scholz për vizat: Angazhohemi që liberalizimi të vijë sa më shpejt
Kancelari Olaf Scholz në konferencën për media së bashku me kryeministrin Albin Kurti përsëriti edhe njëherë angazhimin e qeverisë së tij për liberalizimin e vizave për Kosovën.
Scholz tha se për ta hequr regjimin e vizave për Kosovës flasin me të gjithë partnerët evropianë që edhe ata të binden se një gjë e tillë duhet të ndodhë.
“Unë e kam thënë edhe më herët ne angazhohemi që liberalizimi i vizave të vijë sa më shpejt pasi që kushtet janë plotësuar dhe për këtë flasim me të gjithë partnerët në Evropë dhe ata të binden siç jemi bindur ne që moti”, tha Scholz.
Kancelari i Gjermanisë, Olaf Scholz, sot ka nisur turin në Ballkan me vizitën në Kosovë.
Scholz në Kosovë po ashtu pritet të vizitojë edhe trupat gjermane që shërbejnë në kuadër të KFOR-it.
Fokusi i udhëtimit është perspektiva e anëtarësimit të Ballkanit Perëndimor në BE, si dhe kontributi i Gjermanisë në përmirësimin e bashkëpunimit rajonal.
