Kamberi në Kuvendin e Serbisë pyet Brnabiqin: Ku janë varrezat e tjera me shqiptarë?
Deputeti shqiptar në Parlamentin e Serbisë, Shaip Kamberi i ka shtruar dy pyetje Qeverisë së Serbisë.
Një ndër çështjet që ka ngriture Kamberi është edhe për gjetjen e mbetjeve mortore në Kizhevak në afërsi të Rashkës e që dyshohet të jenë mbetje të shqiptarëve.
Kamberi ka pyetur nëse të njëjtave është duke ju bërë analiza e ADN-së për tu vërtetuar identiteti i tyre.
Shkrimi i plotë i tij:
Dy pyetjet që, në seancën e sotme, i shtrova Qeverisë së R. Serbisë:
Zonja dhe zotërinjë deputet,
Pyetja ime e parë i adresohet minisytrit të policisë së Republikëss ë serbisë dhe ka të bëjë me procesin e pasivizimit të vendbanimeve të qytëtarëve në komunën e Medvegjës.
Sic është folur disa herë në komunën e Medvegjës është duke u zhvilluar një proces masiv i pasivizimit të adresave të qytetarëve të cilët po i humbin të drejtat e tyre civile dhe bashkë me to edhe të drejtën e votës.
Në këtë drejtim zgjedhjet e fundit të mbajtura në këtë komunë më 2018 kanë dëshmuar se ky proces në mënyrë më drastike është zhvilluar ndaj popullsisë shqiptare të kësaj komune.
Nga tetë mandate të këshilltarëve komunalë, sa kanë pasur partitë shqiptare në këtë komunë para 2018, në zgjedhjet e 2018 kanë rënë në tre mandate, kjo për shkak të shlyerjes arbitrare të adresave të tyre dhe shlyerjes sç tyre nga regjistri zgjedhor.
Një akt i këtillë po ndikon në ndryshimin artificial të strukturës etnike të kësaj komune dhe si i këtillë ky proces është edhe antikushtetues edhe antidemokratik.
Për këtë arsye, pyetja ime për ministrin e punëve të brendshme është:
Cili është numri i qytetarëve të cilëve i është pasivizuar vendbanimi gjatë vitit 2017, 2018, 2019 i 2020 në këto vednbanime: Medvegjë, Banjën e Sijarinës, Tupallë, Sfircë, Gërbac, Ramabanjë, Stara Banjë, Sijarinë, Gjilekreshtë, Lapashticë dhe Kapit?
Pyetja ime e dytë i adresohet kryeministres Brnabiq dhe kryetarit të Komisionit qeveritar për personat e pagjetur.
Ashtu siç kanë njoftuar edhe mediat, më 16 nëntor në gurthyesin lokacionit Kizhevak afër Rashkës janë gjetur mbetjet mortore të 15 – 17 NN personave, për të cilët dyshohet se janë trupat e shqiptarëve të Kosovës.
Siç ka deklaruar për televizionin shtetëror RTS, z. Odaloviq, në cilësinë e kryetarit të komisionit qeveritar për personat e pagjetur, “ky është njëri ndër lokacionet i cili po hulumtohet sipas informacioneve nga Prishtina”.
Pyetja ime për kryeministren dhe z. Odalloviq është:
A janë përfunduar analizat e AND-së për tu vërtetuar identiteti i viktimave dhe cilat janë lokacionet tjera të cilat duhet hulumtuar?
Nëse deri në këtë moment analizat nuk janë përfunduar, Ju lutem, që pas përfundimit të tyre, ta njoftoni këtë parlament dhe mua si deputet që ka shtruar pyetjen.
