Vendimi i KUrtit

“Jo 20 euro, po 1 euro i llogaritim ku me e pi një kafe”, të moshuarit të pakënaqur me ndryshimet në pensione

Me vendim të Ministrisë së Financave janë ndërprerë shtesat që merrnin pensionistët, tani ata do të marrin 20 euro më pak.

Është vendi ku vijnë për të kaluar kohën e për të biseduar me njëri tjetrin.

Por duket se të moshuarit temë kryesore të bisedës mes tyre gjatë së enjtes e kishin heqjen e shtesave prej 30 eurosh nga pensionet që merrnin për tre muajt e fundit.

Enver Hoti i cili është pensionist tash e tri vite, nuk e gjen aspak të arsyeshëm vendimin e Qeverisë.

Hoti pos kësaj shton se ai dhe të gjithë miqtë e tij marrin terapi për sëmundje të ndryshme, për këtë arsye heqja e shtesave do të ua vështirësojë edhe blerjen e tyre.

E njëjtë si Hoti mendojnë edhe pensionistët tjerë.

Shumica prej tyre i revoltohen këtij vendimi.

Mirëpo në kohën kur një vendim i tillë hyri në fuqi, nga vetë Qeveria Hoti u paralajmërua se ai do të vlejë vetëm për tre muaj.

Kështu, Qeveria Kurti në mbledhjen e së mërkurës mori vendim për ndërprerje të ktyre shtesave.

Në vend të kësaj, u vendos që pensionistët të marrin 10 euro shtesa, e që vlera totale e pagesës mujore nuk është më 120 euro, por 100.

Këtë e sqaroi vetë ministri i Financave, Punës dhe Transfereve, Hekuran Murati.

Mirëpo edhe përkundër kësaj Qeveria Kurti mori kritika të ashpra në lidhje me këtë çështje.

Në një konferencë për media anëtarët e AAK-së e cilësuan këtë vendim si skandaloz dhe kërkuan anulimin e vendimit.

E kritika të ashpra u bënë edhe në rrjete sociale.

Ndërkohë nga Ministria e Financave ka paraparë që për pensionistët që marrin shumë nën 100 të aplikohet një shtesë që shuma totale të jetë 100 euro. /T7