LAJMI I FUNDIT

ISIS merr përgjegjësinë për sulmet në Kabul ku metën të vrarë 12 ushtarë amerikanë dhe 60 civilë

I ashtuquajturi Shteti Islamik i Irakut dhe Levantit (ISIS), ka marrë përgjegjësi për sulmet në aeroportin e Kabulit, raporton Guardian

Katër shpërthime kanë ndodhur në aeroportin e Kabulit në Afganistan, si rezultat të paktën 12 ushtarë amerikanë kanë vdekur dhe 60 civilë.

Gjenerali amerikan McKenzie ka konfirmuar se sulmi në aeroportin e Kabulit erdhi si rezultat i dy kamikazëve me bomba që besohet se ishin pjesëtar të ISIS’it.

Ndërsa korrespodenti i Reuters, Idrees Ali, ka thënë se Pentagoni në një deklaratë zyrtare ka konfirmuar se kanë vdekur të paktën 12 ushtarë amerikanë dhe pritet që numri të rritet.

Pos ushtarëve amerikanë, të paktën 60 persona kanë vdekur nga këto tri shpërthime.

Sekretari i përgjithshëm i OKB-së, António Guterres, po thërret një takim të hënën në lidhje me situatën në Afganistan, me të dërguarit e OKB-së për Britaninë, Francën, Shtetet e Bashkuara, Kinën dhe Rusinë-anëtarët e përhershëm, të cilët kanë të drejtën e vetos në këshillin e sigurisë.