Ish-ministri i Shëndetësisë, Uran Ismaili, ka shkruar sot rreth situatës së krijuar në Kosovë nga COVID-19. Ismaili ka thënë se në këtë kohë mjetet më të forta për të fituar luftën kundër koronavirusit janë mirëkuptimi, dhembshuria dhe ndihma për njëri-tjetrin.

Ismaili ka thënë se ata që vendosin të vetizolohen, duhet të përkrahen dhe të mos stigmatizohen, meqenëse vetizolimi i tyre është në të mirën e shumicës.

Ai gjithashtu ka bërë thirrje që të jemi të ndjeshëm ndaj atyre që vendosin të vetizolohen, dhe t’i mbështesim marrë parasysh gjendjen e tyre shpirtërore e psikologjike.