Ish-deputeti i PDK-së dhe djali i Ukshin Hotit, infektohet me koronavirus
Ish-deputeti i PDK-së, Andin Hoti, ka njoftuar se ka rezultuar pozitiv me COVID-19.
Përmes një postimi në llogarinë e tij në Facebook, Hoti ka thënë se simptomat e para i ka pasur para tri ditësh.
“Sapo u njoftova nga IKSHPK se kam rezultuar pozitiv për Covid-19. Shenjat e para kanë filluar para 3 dite: Vështirësi në frymëmarrje, kollë, humbje e lehtë e shijes. Me rekomandim të institucioneve shëndetësore do të vet-izolohem deri në shërim të plotë”, ka shkruar Hoti.
Ai ka falënderuar mjekët për mundin në luftimin e COVID-19.
“I kërkoj falje secilit nga ju që kam pasur kontakt ditëve të fundit, e që si pasojë mund të rezultojë pozitiv në të ardhmen. I shpreh mirënjohje të pa rezervë mjekëve, infermierëve, e gjithë personelit shëndetësor për mundin që po e bëjnë në luftën kundër virusit”, ka shkruar Hoti.
Hoti është i biri i Ukshin Hotit, veprimtarit të shquar kosovar, i cili figuron i zhdukur që 21 vjet. /Ballkani.info/
