Presidenti iranian Masoud Pezeshkian tha se Izraeli do të përballet me një përgjigje “madje më të ashpër dhe më serioze” nëse vazhdon sulmet e tij ndaj Iranit.
Ai e bëri paralajmërimin në një telefonatë me kryeministrin irakian, njoftuan mediat shtetërore iraniane, transmeton Ballkani.info.
Pezeshkian tha në telefonatë se vendet e tjera në rajon gjithashtu mund të ekspozohen ndaj rrezikut nëse sulmet izraelite vazhdojnë.
Ai u bëri thirrje vendeve islamike që të marrin një “qëndrim të vendosur” kundër lëvizjeve izraelite dhe të mbrojnë sigurinë e rajonit.
Ai shtoi se Irani nuk e filloi konfliktin, por u përgjigj “vendimisht” dhe në përputhje me të drejtën e tij për të mbrojtur veten. Deklarata vjen pas sulmeve izraelite ndaj objektivave ushtarake në Iran dhe pak para valës së fundit të përgjigjeve raketore iraniane. /Ballkani.info/







