VIDEO
Imazhe satelitore të anijes së madhe ruse që u sulmua me dron në Detin e Zi
Imazhe satelitore u publikuan në rrjetin social X të anijes së madhe ruse “Olenegorsky Gornyak”, e cila u dëmtua sot në Detin e Zi.
Sulmi thuhet se ndodhi pranë portit rus të Novorossiysk, një qendër kryesore për eksportet ruse.
Bazuar në burimet ukrainase, anija u dëmtua nga një sulm me dron të marinës ukrainase.
Gjatë ditës së sotme u publikua edhe një video e cila tregonte momentin kur droni goditi anijen.
Ministria ruse e mbrojtjes tha se kishte zmbrapsur një sulm ukrainas në bazën e saj detare atje ku përfshiheshin dy drone detare, por nuk pranoi ndonjë dëmtim.
Por, burimet e shërbimit ukrainas të sigurisë thonë se “Olenegorsky Gornyak” u godit dhe pësoi një thyerje serioze.
