‘I divorcuar, prind i një fëmije, i papunë’, kjo është jeta e Dardan Krivaqës
Dardan Krivaqa, i dyshuari kryesor për vrasjen e 18 vjeçares nga Ferizaj, është arrestuar nga Policia e Kosovës.
Para se të bashkëjetonte me 18 vjeçaren M.O, ndaj të cilës sipas prokurorisë ka ushtruar dhunë derisa ajo ka vdekur, Dardan Krivaqa kishte qenë i divorcuar.
Sipas aktgjykimit për rastin e lëndimit me thikë të policit , Dradan Krivaqa është burrë i divorcuar dhe baba i një fëmije.
Madje në përshkrimin e këtij aktgjykimi Krivaqa, përshkruhet me një gjendje të dobtë ekonomike dhe si i papunë.
Dardan Krivaqa, sipas prokurorisë të dielen në mënyrën mizore vrau, dhe trupin e saj pa shenja jete e la në Emergjencën e Ferziaj, duke u arratisur.
Ai është arrestuar në një fshat në Ferizaj. Ndaj tij është caktuar masa e paraburgimit prej 48 orëve
