Mirënjohja
Hoxhaj takon ish-Sekretarin amerikan John Kerry në Mynih, bisedojnë për Kosovën dhe rajonin
Deputeti i PDK-së, Enver Hoxhaj, ka takuar ish-sekretarin e shtetit amerikan, John Kerry, në Konferencën e Sigurisë në Mynih.
Hoxhaj, ka njoftuar përmes rrjetit social Facebook, se me ish-sekretarin e shtetit amerikan, John Kerry, kanë biseduar rreth Kosovës dhe rajonit.
“Takim me mikun e Kosovës dhe me mikun tim të veçantë John Kerry, ish-sekretar i Shtetit amerikan. Biseduam shkurt për vendin dhe rajonin dhe ish-sekretari shprehu mbështetjen për Kosovën”, ka shkruar Hoxhaj.
Tutje, ai shkroi se në prag të festimit të 16-vjetorit të Pavarësisë së Kosovës, I shprehu ish-sekretarit amerikan Kerry mirënjohjen për mbështetjen e madhe ndaj Kosovës dhe popullit tonë.
“Në prag të festimit të 16-vjetorit të Pavarësisë, i shpreha mirënjohjen për mbështetjen e madhe ndaj Kosovës dhe popullit tonë.
Zoti e bekoftë Amerikën, Zoti i bekoftë miqtë tanë!”, ka shkruar në fund Enver Hoxhaj.
BONUS VIDEO: Vazhdon zgjerimi i koalicionit AAK-Nisma, sot iu bashkua edhe Demokracia Konservatore
