Drejtues të Ndërmarrjes Publike Banesore kanë reaguar ndaj deklaratave të ministrit të Infrastrukturës, Liburn Aliu lidhur me rrënimin e objektit në Lakrishtë të Prishtinës.

Kryeshefi ekzekutiv i NPB-së Hajdar Hoxhaj në një konferencë për medie theksoi se deklaratat e ministrit Aliu janë të pavërteta, kërcënuese dhe shantazhuese.

“Reagojmë ndaj deklarimeve të pavërteta, tejet shantazhuese dhe kërcënuese të ministrit të Mjedisit, Liburn Aliu. Sot ndoqëm me vëmendje konferencën e paraqitur nga Aliu, ku ne ishim dëshmitarë të një paraqitjeje tejet joprofesionale dhe joligjore. U thanë shumë të pavërteta, shantazhuese e kërcënuese dhe aspak tipike të një pushteti ligjor, juridik që i takon të kryejë punën e tij”, u shpreh ai.

Hoxha është pyetur se cili mendon ai të ketë qenë qëllimi i ministrit Aliu për këto kërcënime dhe shantazhe, siç tha ai – Dëmtimi i NPB-së apo kompanitë që janë pjesë e projektit apo ndoshta t’i mbrojë ish bashkëpunëtorët e tij në Urbanizmin e Prishtinës ku ai ka edhe aktakuzë?

Hoxha është përgjigjur: Të trijat, unë mendoj të trijat, në një t’i mbrojë ndoshta ata ish bashkëpuntorë, nën dy ndoshta edhe të dëmtoj se në fakt edhe e demton dmth nëse tash fillojmë në fazat e anulimit. Si ççshtje ne kemi kontratë me bashkëinvestitorin që qëllimi jonë është që ta rrisim pasurinë, dhe tash cili është qëllimi që ta ndërprejmë një projekt kur është shumë i mirë ose argumentoni qe është i kundërt, ejani ta argumentojmë që nuk është në favor të ndërmarrjes. Mirëpo, ky është qellimi apo edhe në qellimin politik është fushata zgjedhore. Nuk po e përjashtoj asnjërën prej ketyre opsioneve që i thatë ju.

Hoxhaj tutje tha se kjo ndërmarrje nuk ka bërë asnjë shkelje ligjore, derisa shtoi se NPB-ja ka një transparencë të plotë për projektin në fjalë. /Ballkani.info/