Hoxha fton në Prokurori politikanët me njohuri për vrasjen e Ivanoviqit
Prokurori Sylë Hoxha ka ftuar të gjithë politikanët nga Kosova dhe Serbia që nëse kanë njohuri rreth vrasjes së Oliver Ivanoviqit, të paraqiten në Prokurori.
Ai këtë ftesë e ka bërë në një deklarim për Insajderin serb, duke thënë se është në interes shtetëror që të gjenden personat përgjegjës për kryerjen e vrasjes.
Ky deklarim vjen pasi politikanët nga Prishtina dhe Beogradi kanë akuzuar njëri tjetrin për vrasjen e politikanit Oliver Ivanoviqit.
Kujtojmë se me 16 janar të vitit të kaluar, Oliver Ivanoviq u vra në rrethana të paqarta.
