Historiani Bajrami: Adem Demaçi themeloi asociacionin që quhej Dardania

Bashkëpunëtori i Adem Demaçit, historiani Hakif Bajrami, ka thënë që Demaçi e kishte shkruar programin e Ballkanisë e më pas edhe e kishte themeluar një asociacion që quhej Dardania.

“Adem Demaçi e pati shkruar atë programin e Ballkanisë. Unë e kam lexuar dy herë atë. Ai program ka qenë që të themelohet një federatë, përkatësisht një konfederatë e shteteve ballkanike ku Kosova në kuadër të asaj federate kur të donte ka pasur të drejtë t’i bashkohet Shqipërisë . Me një vendim ose të parlamentit ose të referendumit. Jo me u mbajt referendum në kuadër të Serbisë. Jo, jo, por në kuadër të Kosovës”, tha Bajramin për Klan Kosova.

“Edhe dihet, 98 për qind popullsia shqiptare edhe fiton ajo. E dyta. Adem Demaçi e pati themeluar një asociacion që quhej Dardania. Aty i pati tubuar shkencëtarët më të mëdhenj shqiptarë kuptohet nga viset shqiptare sepse ishte çështja kombëtare ku kanë ardhur edhe të tjerë. Ka ardhur që të na dëgjojë edhe Kushneri”, tha ai.