Nënkryetari i LDK-së

Haziri paralajmëron zgjedhje nacionale pas 16 muajsh (VIDEO)

Lutfi Haziri që synon edhe një mandat në krye të Gjilanit, të mërkurën kërkoi vota në krah me kryetarin e Lidhjes Demokratike të Kosovës, Lumir Abdixhiku.

Haziri përveç fushatës për balotazhin e 14 nëntorit në zgjedhje komunale, paralajmëroi edhe zgjedhje nacionale dhe se për 16 muaj do ta zgjedhin Abdixhikun kryeministër, njofton Klankosova.tv

Në Gavran të Gjilanit nuk është se u fol shumë për plane konkrete ngase Luta, siç i referohen të gjithë bashkëpartiakët, e konsideron të mbyllur garën qysh më 17 tetor, ndonëse sërish ftoi të gjithë gjilanasit ta shprehin vullnetin e tyre dhe besimin e plotë në LDK-në.