Haxhiu: Si mundet dikush me i thënë vetit veteran, e as 1 minutë s’e ka veshur uniformën e UÇK-së
Ministrja e Drejtësisë, Albulena Haxhiu, tha se të gjithë e dinë që Kosova nuk ka pasur 50 apo 60 mijë veteranë, duke thënë se listat e veteranëve janë fryrë.
“Unë besoj që në një kohë të afërt duhet të adresohet kjo çështje”, tha Haxhiu.
Tutje ajo tha se si është e mundur që dikush t’i thotë vetes vetetran, e që as një minutë nuk e ka veshur uniformën e UÇK.
“Nuk është e drejtë, jo vetëm në kuptim të barrës financiare, nuk po flas për atë, mirëpo po flas edhe për aspektin moral. Qysh mundet dikush me i thënë vetit veteran, e as 1 minutë se ka veshur uniformën e Ushtrisë Çlirimtare të Kosovës”, shtoi ministrja në RTV21.
