Haradinaj takon eurodeputeten gjermane, flasin për zgjedhjet e 6 tetorit
Kryeministri në detyrë, Ramush Haradinaj ka takuar sot eurodeputeten gjermane Viola von Cramon.
Pëmes një postimi në Facebook Haradinaj ka treguar se me eurodeputeten Cramon, që është edhe Kryesuese e Misionit vëzhgues të BE-së për zgjedhjet e 6 tetorit në Kosovë kanë diskutuar pikërisht për zgjedhjet e 6 tetorit.
“Prita sot në takim eurodeputeten gjermane, Viola von Cramon – Traubadel, Kryesuese e Misionit vëzhgues të BE-së për zgjedhjet e 6 tetorit në Kosovë.
E njoftova znj. Cramon-Traubadel për zhvillimet politike nëpër të cilat po kalon vendi, dhe për pjekurinë politike e demokratike me të cilën Kosova po e fillon këtë cikël elektoral.
Kishim një bashkëbisedim të frytshëm për rëndësinë që procesi zgjedhor në Kosovë të jetë kredibil dhe me standarde të larta të zgjedhjeve të lira e demokratike, për të cilën po angazhohemi bashkërisht”, ka shkruar Haradinaj.
