Haradinaj me postim emocionues, uron 7 marsin me një fotografi nga shkolla fillore
Kreu i Aleancës për Ardhmërinë e Kosovës (AAK), Ramush Haradinaj, përmes disa vargjeve të poetit të madh Naim Frashërit, i ka uruar 7 Marsin, ditën e Mësuesit, të gjithë mësimdhënësve dhe edukatorëve shqiptarë.
‘Lumja ti moj Korç’ o lule! Q’i le pas shoqet e tua. Si trimi në ball u sule, ta paçim për jetë hua.
Të nderuar mësimdhënës! Përmes këtyre vargjeve të arta nga poeti jonë i madh Naim Frashëri, kam kënaqësinë t’ua uroj 7 Marsin, Ditën e Mësuesit, të gjithë juve mësimdhënë dhe edukatorë shqiptarë’, ka shkruar Haradinaj në Facebook.
Ndër të tjera, Haradinaj ka thënë se dita e hapjes së shkollës shqipe në Korçë, është një prej momenteve që shënuan kthesën vendimtare në përpjekjet tona për dije, dinjitet dhe rilindje kombëtare.
Në fotografitë e publikuara në postimin e tij, vëmendje tërheq një fotografi e Haradinajt me mësuesen e tij të parë si dhe një fotografi e bërë në kohën sa Haradinaj ishte fillorist, i rrethuar nga shokët dhe shoqet e tij të klasës dhe mësuesi i tij.
Postimi i plotë i Haradinajt:
Lumja ti moj Korç’ o lule!
Q’i le pas shoqet e tua
Si trimi në ball u sule,
Ta paçim për jetë hua
Të nderuar mësimdhënës!
Përmes këtyre vargjeve të arta nga poeti jonë i madh Naim Frashëri, kam kënaqësinë t’ua uroj 7 Marsin, Ditën e Mësuesit, të gjithë juve mësimdhënës dhe edukatorë shqiptarë.
Dita e hapjes së shkollës shqipe në Korçë, është një prej momenteve që shënuan kthesën vendimtare në përpjekjet tona për dije, dinjitet dhe rilindje kombëtare.
Kujtoj veçanërisht mësuesit e mi dhe të gjithë mësuesit dhe mësueset shqiptare ndër breza që sakrifikuan gjithçka për edukimin e kombit tonë.
Urime!
RH
