Haradinaj kujton Komandant Drinin në 20-vjetorin e rënies, e quan një nga komandantët më të zot të UÇK-së
Kryetari i AAK-së, Ramush Haradinaj ka kujtuar sot Ekrem Rexhën, i njohur si Komandant Drini.
Në 20-vjetorin e rënies së tij, Haradinaj ka kujtuar jetën dhe veprën e Komandant Rexhës, duke e cilësuar si një nga komandantët më të zot të UÇK-së.
Ky është postimi i tij:
Sot kujtojmë 20-vjetorin e ndarjes nga jeta të një prej komandantëve më të zot që pati Ushtria Çlirimtare e Kosovës. Ekrem Rexha – Komandant Drini, ishte luftëtar që gëzonte respektin e veçantë si te ushtarët e tij ashtu dhe te popullata civile ku vepronte si ushtarak.
Me plot meritë, Komandant Drini ka zënë vend të rëndësishëm në historinë e lavdishme të UÇK-së, bashkë me komandantët e ushtarët më heroikë që pati Kosova!Lavdi jetës dhe veprës së Komandant Drinit!
