Haradinaj: Haxhi Shala u kthye nga mërgimi për t’iu përgjigjur thirrjes së Atdheut
Deputeti Haxhi Shala është i ftuari i radhës nga Gjykata Speciale.
Pas kësaj, ka reaguar lideri i AAK-së, Ramush Haradinaj i cili tha se Shala është kthyer nga mërgimi në përgjigje të thirrjes së Atdheut.
Haradinaj tha se angazhimi i tij në funksion të lirisë, paqes, shtetit ligjor e mirëqenies së qytetarëve është për t’u marrë shembull, transmeton Indeksonline.
Postimi i plotë:
Haxhi Shala u kthye nga mërgimi në përgjigjje të thirrjes së Atdheut.
Angazhimi i tij në funksion të lirisë, paqes, shtetit ligjor e mirëqenies së qytetarëve është për tu marrë shembull.
Haxhiu ende është në pritje të drejtësisë për familjarët e tij, që u vranë mizorisht nga forcat serbe.
Thirrja që iu bë nga Gjykata Speciale, pikërisht në përvjetorin e bashkëluftëtarëve të tij të afërt, është një sfidë që ai do e kalojë ashtu siç i ka kaluar të gjitha sfidat e tjera gjatë jetës së tij.
RH
