Haliti: Ish-anëtari i VV-së ishte marrë në pyetje nga Dardan Molliqaj sepse piu kafe me mua
Deputeti i PDK-së, Xhavit Haliti ka thënë se ish-anëtari i VV-së, Arton Muhaxheri ishte marrë në pyetje nga ish-sekretari i Vetëvendosjes, Dardan Molliqaj sepse ai e kishte pirë një kafe me të.
Sipas Halitit, kjo gjë e kishte shtyrë Muhaxherin që ta lëshojë nga VV. I njëjti tani është anëtar i PDK-së.
“Për shembull e kanë marrë në pyetje pse ke pi kafe me Xhavitin, çfarë ka ndodh, a t’kanë shitë dhe e kanë detyru njeriun me dalë nga partia dhe ka dalë te na”, ka thënë Haliti.
“Arton Muhaxheri ka thënë se në pyetje e ka marrë, ky, ky që jam kanë përla njëherë në studio, Dardani, Dardan Molliqaj”, ka deklaruar Haliti.
Hlaiti ka thënë se rri me anëtarë të të gjitha partive, por në partinë e tij nuk i ka ndodhur ndonjëherë që të merret në pyetje.
Madje, ka thënë ai, ka pasur raste kur është takuar edhe me liderin e VV-së, Albin Kurti.
“Kurrë në PDK s’më ka pyetur, as Hashimi as Kadria, pse nejte me dikënd. E kam takuar edhe Albinin, kam nejtë me të. E kam takuar njeriun, e kam pirë një kafe”, ka thënë ai. /GazetaExpress
