Zëvendëskryeministri i Kosovës, Haki Abazi ka reaguar pas publikimit të videos që bëri Presidenti Thaçi ku akuzonte Sveçlën për tentim të zhdukjes së fakteve për laboratorin e drogës së familjares së këshilltares së Haxhiut.

Abazi thotë se Presidenti ka mbetur i vetuar, por sipas tij, qytetarët janë me Kurtin.

“Qeveria dhe qyetarët janë një, në anën tjetër Presidenti ka mbetur i vetmuar dhe i inatosur. E ka humbur torruan!”, ka shkruar Abazi në llogarinë e tij në Facebook.

Ndryshe, ndaj Presidenti ka reaguar ministrja e Drejtësisë, Albulena Haxhiu. Sipas saj presidenti po shpif sipas saj për qëllime të pista.

Madje, siç ka thënë ajo, familjarët e saj me shtetësi zvicrane janë duke u konsultuar me avokatë për ta paditur presidentin në Gjykatën e Zvicrës.

Postimi i plotë i Haxhiut:

President shpifës

Dje akuzoi që familja ime ka laborator droge, ndërsa sot, thekson familja politike. Sikur herën e parë po ashtu edhe herën e dytë, ai ka shpifur me qëllime të pista!

Ju njoftoj që lidhur me akuzat e shpifjet e tij, familjarët e mi me shtetësi zvicrane janë duke u konsultuar me avokatë për ta paditur Hashim Thaçin, në Gjykatën e Zvicrës.

Në anën tjetër policia DUHET ta demantojë Hashim Thaçin sepse ata i kanë informacionet e sakta.
Le të dalin e të flasin publikisht!