Ky rast po vazhdon të hetohet nga Policia e Kosovës si vjedhje e rëndë.

Shumë persona hyjnë e dalin për blerje.

Por disa vizitorë mbrëmjen e së martës i shkaktuan dëme materiale këtij marketi në Sllatinë.

Të njëjtit thyen marketin, për t’u drejtuar për te arkat.

E nga aty dyshohet se morën plot 8000 euro.

Ky rast u lajmërua në Policinë e Kosovës nga pronarja e këtij marketi.

Policia tashmë po heton rrethanat e kësaj ngjarjeje, ndërkohë që rasti po cilësohet si vjedhje e rëndë.

Ndërkohë nga kompani ku është kryer kjo vjedhje e rëndë, nuk kanë dashur të prononcohen para kamerës për rrethanat e kësaj ngjarjeje.

Por ky nuk është rasti i vetëm i vjedhjes gjatë kësaj periudhe.

Raste të ngjashme në Policinë e Kosovës vetëm për muajin tetor janë raportuar 359 raste.

Mirëpo një vit më parë numri i rasteve të paraqitura në Policinë e Kosovës për këtë vepër penale, ishte më i lartë.

Kohëve të fundit vjedhjet janë shtuar edhe nga emigrantët e huaj që janë brenda territorit të Kosovës.

Në 24 orët e fundit në Prishtinë janë lajmëruar dy raste të tilla.

Rasti i parë ka ndodhur në rrugën “Dëshmorët e Kombit”, ku një shtetas i Afganistanit ka vjedhur një xhaketë në një lokal. Ndërsa është arrestuar e dërguar në mbajtje.

Në po të njëjtën rrugë është arrestuar edhe një maroken, që kishte vjedhur një palë veshje sportive, ndërsa me vendim të prokurorit është dërguar në mbajtje.