Grabitje
Grabitja në një institucion mikrofinanciar në Prishtinë, flet pronari
Pasditen e së hënës ka ndodhur një grabitje në një institucion mikrofinanciar në lagjen “Bregu Diellit” në Prishtinë.
Një person i maskuar nën kërcënimin e armës ka hyrë në institucioni financiar dhe e ka plaçkitur një shumë të parave.
Në vendin e ngjarjes dolën edhe Njësitet e Policisë dhe po merret me rastin.
Pronari i i këtij institucioni mikrofinanciar, Nexhat Uka ka deklaruar për KosovaPress, se nga grabitja janë dëmtuar në vlerë monetare rreth 330 euro.
Uka tha se në vendin e ngjarjes janë dalë ekipet e policisë bashkë me hetuesinë.
“Sot rreth orës 14:30 kemi pas një grabitje, kështu na kanë dëmtuar me një vlerë monetare 330 euro dhe punëtorja ka qenë shumë e frikësuar. Megjithatë, pasi ka shpëtuar pa lëndime është mirë…Nuk e di çfarë kanë bërë policia, por kanë qenë edhe hetuesia dhe kanë marrë gjitha verifikimet dhe mbetet të shihet ditëve në vijim”, tha Uka.
Ballkani.info ka provuar të kontaktojë policinë për të marrë detaje të ngjarjes por nuk ka marrë informacione.
