Dokument
Gjykata e liron në arrest shtëpiak policin gjakovar që dyshohet se ngacmoi dhe dhunoi ish të dashurën 16-vjeçe
Gjykata Themelore në Gjakovë i ka ndryshuar masën e sigurisë policit nga Gjakova që dyshohet se ngacmoi dhe dhunoi të dashurën 16 vjeçe.
Në aktvendimin e siguruar nga Reporteri, bëhet e ditur se është refuzuar kërkesa e Prokurorisë Themelore në Gjakovë për vazhdimin e paraburgimit për policin Enis.S, dhe i njëjti është liruar në arrest shtëpiak në kohëzgjatje prej një muaj.
Kujtojmë se, Gjykata Supreme e Kosovës e ka anuluar vendimin e Themelores në Gjakovë, të aprovuar edhe nga Apeli, që i kishte caktuar 30 ditë paraburgim policit gjakovar të dyshuar për “ngacmimin” dhe “dhunimin” e ish të dashurës së tij të mitur.
Në vendimin e Gjykatës Supreme të Kosovës, të siguruar dje nga gazeta online Reporteri.net, është vendosur se masa e sigurisë ndaj të dyshuarit për rastin në fjalë i kthehet në rivendosje gjykatës së shkallës së parë.
Për arrestimin e policit gjakovar, kishte njoftuar Inspektorati Policor i Kosovës, në ditën kur të njëjtit i ishte caktuar masa e paraburgimit nga gjykata, ndonëse prangosja e tij kishte ndodhur një ditë më herët, më 27 nëntor 2023.
Enis. S., dyshohet se në janar të vitit 2022, në shtëpinë e tij në Gjakovë, ka kryer marrëdhënie seksuale me një të mitur, atëkohë mbi 15 vjeçare, me të cilën i dyshuari ishte njoftuar me të përmes rrjeteve sociale në vitin 2021. Sipas dyshimeve të Prokurorisë, polici gjakovar ishte në dijeni për moshën e viktimës e cila në kohen kur kryen marrëdhënie seksuale dyshohet se ishte ende pa i bërë gjashtëmbëdhjetë (16) vjeçe.
Tutje, Prokuroria Themelore e Gjakovës pretendon se në nëntor të këtij viti – 2023 – i dyshuari edhe pse në dijeni se tashmë e dëmtuara është në lidhje tjetër dashurie, vazhdimisht i shkruan që ti kthehet lidhjes me të, sjellje kjo, sipas Prokurorit të Shtetit, e cila tek e dëmtuara është përcjellë me shqetësim pasi që qysh në dhjetor të vitit 2022, ata e kishte ndërprerë lidhjen.
Me këto veprime, Policia gjakovar dyshohet se ka kryer veprat penale ,Kodin Penal të Republikës së Kosovës. /Reporteri/
VIDEO BONUS: Ma shtrejt rryma në Kosovë se në Gjermani
