Shoqatat kombëtare të futbollit të përfaqësuara në Kampionatin Evropian të kësaj vere janë gjobitur me më shumë se 1.2 milion euro nga organizatorët UEFA gjatë fazës së grupeve të turneut.

Gjobat, të cilat gjithsej janë në shifrën e 1,293,645 eurove, lidhen me mbështetësit e kombëtareve gjatë ndeshjeve, por kombi pritës Gjermania u gjobit dy herë për dështimin e tyre në “mbrojtjen e zonës së lojës”, në lidhje me tifozët që hynë në fushë, gjatë ndeshjeve të fazës së grupeve të Portugalisë kundër Turqisë dhe Gjeorgjisë përkatësisht.

Tetë skuadra, Hungaria, Zvicra, Kroacia, Shqipëria, Polonia, Serbia, Rumania dhe Belgjika, morën gjoba për sjelljen e tifozëve të tyre gjatë të tre ndeshjeve të tyre përkatëse në fazën e grupeve.

21 nga 24 kombet u gjobitën të paktën një herë gjatë fazës së grupeve, me vetëm Francën, Spanjën dhe Sllovakinë që nuk u gjobitën nga organi drejtues i futbollit evropian.

Kroacia ishte vendi që grumbulloi gjobat më të larta (220,875 euro) me fqinjët ballkanikë, Shqipërinë (171,375 euro) dhe Serbinë (166,625 euro) që plotësuan tre vendet e para.

Burimi: The Athletic

Ndërsa shumica e gjobave të shpërndara gjatë turneut ishin për hedhjen e sendeve në fushë, përdorimi i mjeteve piroteknike, duke përfshirë fishekzjarre dhe flakadanë, gjithashtu solli gjoba për shumë ekipe.

Si Shqipëria ashtu edhe Serbia u gjobitën edhe për “transmetimin e një mesazhi të papërshtatshëm për një ngjarje sportive”, në lidhje me flamujt e ekspozuar në lidhje pretendime territoriale për “Shqipërinë Etnike” dhe “Serbinë e Madhe”.