Mourinho

‘Gjashtë minutat shtesë testuan durimin tim’

Trajneri i Manchester United është shprehur i lumtur me tri pikët e fituara kundër Evertonit.

Pas fitores 2:1, Jose Mourinho ka deklaruar për BBC Sport se të përzgjedhurit e tij kishin kontroll më të madh të lojës.

“Ne filluam mirë. Në gjysmën e dytë kemi luajtur edhe më mirë. Kishim kontroll të madh të lojës, kualitetit, krijimtarisë, posedimit, ishim të fortë në mbrojtje dhe nuk e meritonim 15 minutat e fundit. Isha i kënaqur me gjyqtarin Jonathan Moss, por ai po testonte durimin tim në 6 minutat shtesë. Kur fiton, është gjithmonë e vështirë për emocionet dhe zemrën”, u shpreh tekniku portugez.

Ai ka folur edhe performancës së belgut Lukaku në ndeshjen e sotme kundër Evertonit.

“Kur ai hyri në lojë, ishte i shkathët, duke lëvizur mirë, duke mbajtur topin më mirë se në javët e fundit”, pohoi Mourinho.

Pas kësaj fitoreje, e pesta në këtë sezon, United renditet i teti në tabelë me 17 pikë, por me një ndeshje më pak të zhvilluar, derisa tabelës vazhdon t’i prijë Liverpuli me 26 pikë.