Gigi nuk dëshiron ta bëjë publike lidhjen me Leo-n për shkak të Zayn Malik
Pavarësisht se po përjeton një lidhje të lumtur me Leonardo DiCaprio, Gigi Hadid është ende duke u kujdesur për ish të dashurin Zayn Malik.
Sipas një burimi të brendshëm, ndërsa romanca e saj me Leo-n bëhet më serioze, Hadid ka qenë e kujdesshme që të mos e vendosë jetën e saj sentimentale në qendër të vëmendjes për shkak të respektit për babain e vajzës së saj.
“Gigi dhe Leo janë parë me njëri-tjetrin dhe janë shumë të dashuruar, por Gigi është përpjekur t’i mbajë gjërat private në marrëdhënien e tyre,” tha burimi i brendshëm për dashurinë e re të modeles. “Gigi po përpiqet të jetë e ndërgjegjshme për ndjenjat e Zayn dhe nuk dëshiron të tregojë mungesë respekti ndaj tij me lidhjen e saj të re. Ata të dy duan vetëm atë që është më e mira për njëri-tjetrin. Ata po bëjnë çmos për të pasur një marrëdhënie të përzemërt, për të qenë prindërit më të mirë që mund të jenë për Khai-n.”
