Gërvalla lobon për anëtarësimin e Kosovës në KiE, u shtron mëngjes ambasadorëve
Ministrja e Punëve të Jashtme, Donika Gërvalla, i ka mirëpritur për mëngjes ambasadorët e shteteve anëtare të Këshillit të Europës në Strasburg.
Ajo iu tha atyre se Kosova e meriton të jetë shteti anëtar i radhës i Këshillit të Europës.
“Një mëngjes shumë produktiv. Zëvendëskryeministrja dhe ministrja e Jashtme Donika Gërvalla shtroi një mëngjes për ambasadorët e shteteve anëtare të KiE. Pati shkëmbime të dobishme. Të qenit i hapur dhe i guximshëm është e para. Si një vend i vërtetë europian dhe demokratik, Republika e Kosovës meriton të jetë anëtarja e radhës me të drejta të plota në KiE”, ka njoftuar Ministria e Jashtme e Kosovës.
A very productive morning. DPM/FM @gervallaschwarz hosted a 💼 breakfast for @coe members’ ambassadors. Useful exchanges. Being open and courageous is the way forward. As a true European & democratic country, Republic of Kosova deserves to be the next full-fledged member of CoE. pic.twitter.com/5JIYJNwMw6
— MFA Kosova 🇽🇰 (@MFAKOSOVO) June 23, 2022
Në Strasburg, Gërvalla ka takuar edhe presidentin e Asamblesë Parlamentare të KiE, Tiny Kox, me të cilin tha se pati një diskutim të mirë për aplikimin e Kosovës për t’u anëtarësuar në Këshillin Europian.