Deputeti i LDK-së
Gashi i LDK-së për shtatoren e Kurtit: Duhet me shku me i çu lule, koha e tij ka mbaruar
Shefi i grupit parlamentar të Lidhjes Demokratike të Kosovës, Arben Gashi, ka ironizuar lidhur me ndërtimin e përmendores për kryeministrin e Kosovës, Albin Kurti, që u bë para disa ditësh në Podujevë.
Gashi në Rubikon tha se aty “duhet të dërgohen lule”.
Sipas tij, kjo është një shenjë që koha e Kurtit ka mbaruar.
Shefi i deputetëve të LDK-së tha se partia që ai përfaqëson ka qenë “kujdestare e raporteve me partnerët ndërkombëtar, veçmas me ShBA-në”.
“E kemi pasur një situatë të rëndë në vitin 2020 dhe 2021, në kohën e administratës së presidentit Trump, ku patëm një raport të përkeqësuar të qeverisë me kryeministër Albin Kurti, ku ishte i paparashikueshëm rezultati i asaj, ne morëm veprime për të ruajtur interesin e shtetit dhe tërësinë territoriale”, tha Gashi në Klan Kosova.
