Fqinji shpëton fëmijën në Kinë, ishte duke rënë nga kati i 7-të
Një ngjarje e pazakontë ka ndodhur në Kinë, ndërsa një fëmijë ishte shumë pranë të binte nga kati i shtatë, nga ballkoni i pallatit të tij.
Por, pasi që ai ra në sytë e një grumbulli personash që e kishin vënë re, një nga fqinjët ka luajtur rolin e “Spider-Man”, duke i shkuar në ndihmë dhe duke ia shpëtuar jetën.
Rasti ka ndodhur në qytetin Foshan në provincën kineze të Guangdong-ut, ndërsa në pamjet e siguruara nga TMZ, transmeton KlanKosova.tv, shihet i mituri duke tentuar të shpëtojë, pasi që koka e tij kishte ngecur në mes të dy shufrave metalike të ballkonit.
Kina është e njohur për apartamentet e saj shumëkatëshe, të cilat zakonisht vendosen shumë afër njëri-tjetrit.
Edhe struktura e pallatit ku ka ndodhur ngjarja duket e njëjtë, dhe kësaj radhe ishte pikërisht arkitektura e ndërtesës, që i mundësoi personit “shpëtimtar”, ta shpëtonte fëmijën nga rreziku për jetën.
