Fotoja me Presidenten, Peci: Nuk është shkelje Kushtetuese që me miqtë e saj pi kafe

Ministri i Bujqësisë dhe bashkëkryesuesi i partisë Guxo, Faton Peci në Politiko ka komentuar fotografinë e përbashkët me presidentën, Vjosa Osmani dhe me bashkëkryesuesën tjetër, Donika Gërvalla.

Peci tha se ajo fotografi është bërë të martën.

“Sa i përket fotografisë në kafe, ne jemi miq në fund të fundit. Fotografia është bërë dje në një kafeteri të Prishtinës. Dhe përderisa Presidentja për shkak të Kushtetutës e ka të pamundur me ushtru ndonjë funksion partiak, ajo nuk është shkelje Kushtetuese në rast që me miqtë e saj pi kafe. Nuk besoj që kemi bërë shkelje kushtetuese me pi kafe”, tha Peci në Politiko.