FOTO/ Ky është ish-kryeshefi i Trafikut Urban që u arrestua nga Policia
Pak më parë Policia e Kosovës ka njoftuar se ka arrestuar tre ish-zyrtarë të Trafikut Urban.
Në mesin e të arrestuarve është edhe ish-kryeshefi i Trafikut Urban, Lulzim Rexhepaj.
Ai ishte shkarkuar nga pozita e kryeshefit të Trafikut Urban më 26 prill të vitit të kaluar.
Ai pas shkarkimit për media e kishte cilësuar si të jashtëligjshëm shkarkimin e ti.
“Po. Bordi i zgjedhur në mënyrë të paligjshme nga aksionarët e Komunës së Prishtinës e kanë shkarkuar Kryeshefin e Trafikut Urban të zgjedhur në mënyrë të ligjshme”, kishte thënë Rexhepaj asokohe.
Sipas njoftimit, ky arrestim ka ardhur pas shumë veprimeve hetimore/operative.
Sipas policisë dyshimet janë se vetura e Kryesuesit të atëhershëm të Bordit të Drejtorëve të “Trafikut Urban” ishte shitur në një autosallon dhe pastaj përmes procedurave tenderuese ishte blerë e njëjta për nevojat e “Trafikut Urban” në vlerë prej disa mijë euro më shtrenjtë sesa ishte vlera reale.
