Forcat ruse ndalin protestat në disa qytete të Ukrainës: Shikoni si i rrahin dhe arrestojnë protestuesit
Më herët është raportuar se protesta po zhvillohen në disa qytete të Ukrainës nën kontrollin rus.
Demonstratat duket se kanë qenë paqësore, por imazhet në mediat sociale tregojnë forcat ruse duke arrestuar njerëz dhe duke shpërndarë turmat në vende si Enerhodar.
Turmat e protestuesve u mblodhën në qytet pasi kryebashkiaku Dmytro Orlov pretendoi se trupat ruse kishin rrëmbyer zëvendësin e tij të parë, Ivan Samoydyuk, shkruan BBC.
“Ne nuk e dimë se në çfarë gjendje është ai”, tha Orlov në Telegram. “Ai nuk ka qenë në kontakt që nga dje”.
Një video që supozohet se është marrë në një qytet tjetër, Berdyansk, tregon njerëz të arrestuar dhe rrahur nga forcat ruse.
