Këtë javë, si çdo shtator, liderë të shumtë botërorë patën mundësinë t’i drejtohen botës nga foltorja e Asamblesë së Përgjithshme të OKB-së. Mes tyre është edhe presidenti serb Aleksandar Vuçiq.

Megjithatë, përshtypja është se nuk ka tërhequr më shumë vëmendjen fjalimi i Vuçiqit, por salla e zbrazët gjatë prezantimit të tij. Një ditë pas fjalimit të tij në Kombet e Bashkuara, Vuçiq iu drejtua publikut nga Nju Jorku, transmeton Ballkani.info.

“Shumë janë të tmerruar nga fjalimi im, shoh disa janë të gëzuar. Ata që janë tmerruar më transferuan tek unë, ndaj fola me ta. Por këto janë faktet. As ne serbët nuk jemi gjithmonë mjaftueshëm racionalë dhe gjithmonë i kemi këto elemente irracionale, por gjithsesi kam folur nga zemra dhe koka dhe nëse do të kem dhimbje koke personale për këtë është e sigurt, por besoj se Serbia sepse nuk do të ketë asnjë pasojë negative”, tha Vuçiq.

Ai nuk e ka humbur rastin të trajtojë edhe vërejtjet për sallën e zbrazët gjatë prezantimit të tij.

“Vitin e kaluar kur fola, në sallë ishin rreth 205 persona. Vitin e kaluar, fjalimi im ishte më i shikuari dhe më i dëgjuari së bashku me fjalimin e Volodymyr Zelenskit. Mendoj se kjo është gjëja më e rëndësishme. Unë nuk e kuptoj se çfarë po bëjnë këta njerëz, nuk e kuptoj pikën, përveç se është punë e dikujt të sulmojë vendin e tyre, nuk është sulm ndaj meje”, tha Vuçiq dhe shtoi se kur ngrihesh këtu, të gjithë në Serbi duhet të gëzohen, jo që individët të përdorin gënjeshtra”.

Duke parë fotot zyrtare dhe regjistrimet e fjalimeve të liderëve botërorë, të krijohet përshtypja se gjatë fjalimit të Vuçiqit në Asamblenë e Përgjithshme të OKB-së, ka pasur të njëjtin, ndoshta më të vogël, numër njerëzish në ulëse, krahasuar me numrin e njerëzve të pranishëm në sallë gjatë fjalimit të presidentit iranian, Ebrahim Rais.

epa09479981 Iran’s President’s Ebrahim Raisi remotely addresses the 76th Session of the U.N. General Assembly by pre-recorded video in New York City, USA, 21 September 2021. EPA-EFE/EDUARDO MUNOZ / POOL

Ndryshe nga Vuçiq, ambasadori izraelit në OKB, Gilad Erdan, tentoi të prishë prezantimin e Rais, i cili protestoi gjatë prezantimit të presidentit iranian.

Menjëherë pasi Raisi filloi fjalimin e tij, Erdan u ngrit nga vendi i tij në sallë dhe mbajti një pankartë me një foto të Mahsa Amini, e cila vdiq në paraburgimin e policisë iraniane pasi u arrestua për shkelje të kodit të rreptë të veshjes së hixhabit.

Slogani ishte “Gratë iraniane meritojnë lirinë tani”.

Gjatë prezantimit të Vuçiqit nuk ka pasur “shpërqendrime” të këtij lloji dhe ulësja ku ishin ulur përfaqësuesit nga Serbia është munduar ta “shpërblejë” Vuçiqin me duartrokitje sa më të forta.

Në rrjetet sociale po qarkullon një video e ambasadorit serb në Uashington, Marko Gjuriq, pas fjalimit të Vuçiqit, pas së cilës ai filloi të duartrokiste ulur. Kamerat kanë regjistruar momentin kur Gjuriq u ngrit në panik, me sa duket kur pa se kamera po e filmonte dhe duartrokiti fort. /Ballkani.info/