Fillon tubimi i Vuçiqit në Beograd, pritet të marrin pjesë 170 mijë njerëz FOTO/VIDEO
Në Beograd ka nisur mitingu i organizuar nga presidenti i Serbisë, Aleksandar Vuçiq si pjesë e përmbylljes së fushatës “E ardhmja e Serbisë”.
Në këtë tubim i cili po mbahet në sheshet kryesore të kryeqytetit serb, Vuçiq pritet të flas për të ardhmen e Serbisë dhe për Kosovën.
Për të pasur sa më shumë njerëz, pushteti në Serbi ka organizuar bartje të organizuar të qytetarëve me autobusë nga të gjitha pjesët e Serbisë, shkruan Ballkani.info.
Бели граде, шири руке своје,
Прихвати нас у наручје твоје. ??#BuducnostSrbije #stopnasilju #pristojnaSrbija pic.twitter.com/snWY77wxLe— Врана Рубрибрешка (@crn_je_gavran) April 19, 2019
Po ashtu edhe nga Kosova ka shkuar një numër i serbëve të organizuar me autobusë.
Ky miting është si pjesë e fushatës së Vuçiqit kundër organizimeve protestave nga opozita serbe.
Opozita atje po kërkon largimin e Vuçiqit dhe mbajtjen e zgjedhjeve të reja, duke e akuzuar atë për rritjen e varfërisë, rritjen e kriminalitetit dhe të korrupsionit.
Sipas mediave serbe, në këtë tubim pritet të marrin pjesë rreth 170 mijë njerëz. /Ballkani.info/