PAMJE

Fakte tronditëse për korrupsionin në ushtrinë ruse, a mund të jetë kjo arsyeja pse po dështon Putini në Ukrainë?

“Kjo nuk mund të jetë e vërtet, ju po bëni shaka” reagojnë ekspertët perëndimorë ndaj fotografive të dronit rus Orlan që ra në duart e ushtrisë ukrainase.

Fotot dhe videot e publikuara nga ukrainasit tregojnë se një shishe uji mineral përdoret në sistemin e furnizimit me karburant për dronin rus Orlan dhe një aparat Canon i vjetër i kaput me ngjitës në dronë që është përgjegjës për shkrepjen e fotografive dhe videove.

Në të njëjtën kohë , Orlan-10 i kushton buxhetit rus 100 mijë dollarë.

Kjo i ka shokuar ekspertët e sigurisë dhe njohësit e armatimit. Ushtria që pandeh vetën se është e dyta më e forta në botë, ka një sistem të dështuar dronësh, që në vend të rezervuarit të karburantit ka një shishe plastike. Arsyeja pse ky dronë i kushton ushtrisë ruse 100 mijë euro janë korrupsioni.

Vitin e kaluar u bë e ditur për një mashtrim me furnizimin e komponentëve për dronët Orlan-10. Gjykata e rrethit të Kazanit sekuestroi një valixhe me 48.6 milionë rubla, e që në këtë korrupsion ishin përfshirë edhe zyrtarë të shërbimit sekret rus, FSB. Në këtë aksion të Prokurorisë ruse u kapën 2 zyrtarë të FSB-së, një ushtarak dhe një zyrtar i një kompanie që që punon në sistemin e projektimit të dronit Orlan-10.

Emrat gjykata nuk i publikoi, e kjo u pa nga mediat e pavarura tentim për ta fshehur skandalin. Po ashtu në lidhje me këtë korrupsion në ushtrinë ruse u zëvendësdrejtori i mbrojtjes ajrore të ushtrisë ruse Andrey Polshkov.

Ai u akuzua për bashkëpunim me Pavel Shatskikh, drejtorin e i kompanisë për prodhimin e dronëve.

Akuza ishin për përvetësimin e 446 milionë rubla nga buxheti i ndarë në 2017-2020 si pjesë e urdhrit të mbrojtjes shtetërore. Përvetësimi filloi shumë larg nga viti i kaluar: në vitin 2017, Banka Qendrore sinjalizoi se bankat që punonin me paratë e Ministrisë së Mbrojtjes ishin përfshirë në operacione në hije, duke arkëtuar dhe tërhequr kapitalin.

Në këtë përfundim ka dalë Banka Qendrore pasi ka kontrolluar 27 institucione krediti, përmes të cilave kalojnë fondet e urdhrit të mbrojtjes shtetërore.

Nga 50% në 70% e urdhrit të mbrojtjes shtetërore shkon në “arkëtim “, raportoi një burim pranë Bankës Qendrore dhe Rosfinmonitoring.

Programi shtetëror për modernizimin e armëve, i cili është në fuqi nga 2011 deri në 2020, ishte projektuar për 20 trilion rubla. Më 21 Prill 2022, brigadat e zjarrfikësve, ambulancat dhe helikopterët Mi-8 u tërhoqën në argjinaturën Tver të Vollgës, të mbuluar nga retë e tymit të dendur të zi. Instituti Qendror i Kërkimeve të Trupave të Mbrojtjes së Hapësirës Ajrore ruse ishte në zjarr. Ndërtesa masive katërkatëshe, që zë një bllok të tërë, u dogj deri në themel, zjarri u shua vetëm në mëngjesin e ditës së nesërme, 22 persona humbën jetën.

Instituti sekret që zhvilloi sistemin raketor Iskander, i njohur gjithashtu si NII-2, u dogj për shkak të instalimeve elektrike me defekt. Ndërsa hetuesit janë në kërkim të atyre që janë përgjegjës për shkeljen e sigurisë nga zjarri, kolegët e tyre nga Prokuroria kryesore Ushtarake po studiojnë më shumë se 350 vëllime të çështjes penale për përvetësim. Në këtë rast, në shkurt 2019, gjeneralmajori në pension Sergei Yagolnikov u arrestua. Yagolnikov ka një biografi mbresëlënëse: ai ka punuar në ushtrinë ruse që nga fundi i viteve 1970 dhe ka më shumë se 300 punime shkencore pas tij si doktor i shkencave teknike dhe një ushtarak në pension. Por, sipas hetuesve, vitet e fundit ka ndërtuar një skemë përmes së cilës janë vjedhur shuma milionëshe nga buxhetet e akorduara nga Ministria e Mbrojtjes për zhvillime sekrete. Më 25 mars 2022, autoritetet Lvov njoftuan sulme me raketa nga ushtria ruse.

Në të njëjtën ditë, ish-drejtori tregtar i Korporatës Taktike të Armëve Raketore (KTRV) Viktor Vagan u arrestua në Gjykatën Voskresensky të Rajonit të Moskës. Vagan u dënua me tetë vjet burgim të rreptë, pasi u shpall fajtor për vjedhje armësh. Tre ushtarak po ashtu morrën nga 5 vite dënim duke përfshirë drejtorin e përgjithshëm të Byrosë së Dizajnit të Makinerisë, Turaevsky Soyuz. Në vitin 2010, ish-drejtori tregtar i Korporatës Taktike të Armëve Raketore Viktor Vagan dhe Sergei Yagolnikov asgjësuan raketat e lundrimit të aviacionit Kh-55 në një nga vendet e testimit të Rajonit të Moskës. Si rezultat, motorët e raketave iu shitën kompanisë ukrainase Motor Sich, dhe skrap i mbetur u dërgua për përpunim. Motor Sich pagoi 2.4 milionë dollarë për motorët e dorëzuar.

Në vitin 2011, mashtrimi u përsërit. Sërish u vodhën edhe 37 raketa të tjera Kh-55. Në vitin 2017, Khalil Arslanov, Zëvendës Shefi i Shtabit të Përgjithshëm të Forcave të Armatosura Ruse, mori gradën Gjeneral Kolonel. Dy vjet më vonë, ai u akuzua për mashtrim në një shkallë veçanërisht të madhe, dhe në shkurt 2020 u arrestua nga FSB.

Së shpejti një tjetër gjeneral, Alexander Ogloblin, dëshmoi kundër Arslanov. Ogloblin tha se në vitin 2015, nën patronazhin e Arslanov, ai mori pozicionin e kreut të Drejtorisë së Parë të Komunikimeve të Ministrisë së Mbrojtjes. Pikërisht atëherë, programi i dixhitalizimit të ushtrisë ruse ishte në lëvizje të plotë dhe Ogloblin duhej të kërkonte furnizues të pajisjeve dhe të negocionte një rritje të çmimit.

Kështu, për shembull, mashtrimi në blerjen e ruterave përmes Voentelecom SHA mori një tarifë shtesë prej 20-25%. Sipas kësaj skeme, 1.6 miliardë rubla u vodhën, Ogloblin u deklarua fajtor dhe në mes të shkurtit 2022 mori katër vjet burgim.

Në fund të vjeshtës 2019, divizionet veriore të Gardës Ruse morën një grumbull makinash dëbore dhe varkash. Këto të fundit kishin për qëllim mbrojtjen e porteve të Arktikut, duke përfshirë Tiksi në Republikën e Yakutia dhe Yamal Sabetta. Por në detyrën e parë luftarake, trupi i varkave nuk e duroi dot acar dhe u plas.

Gjatë hetimeve, Komiteti Hetues hasi në pesë punonjës të Gardës Ruse, të cilët tashmë akuzohen për marrje ryshfeti dhe përvetësim të fondeve buxhetore. Hetimi vlerëson si nismëtar të mashtrimit kolonel Shalva Museliani, i cili në maj 2018 dha dorëheqjen nga departamenti kryesor i sigurimit privat të Gardës Ruse, ku ishte përgjegjës, ndër të tjera, për luftimin e krimit.

Skema ishte e thjeshtë: në gusht 2018, një tender për blerjen e makinave me borë dhe varkave u publikua në Platformën e Unifikuar të Tregtisë. Kostoja e tenderit u rrit paraprakisht me 10%, për këtë u kujdes Sergey Vorobyov, i cili është përgjegjës për politikën teknologjike në Gardën Ruse.

I vetmi pjesëmarrës dhe fitues i tenderit ishte koncerni Defense Technologies. Shuma e kontratës ishte 376.2 milionë rubla. Në pranverën e vitit 2019, Museliani ra dakord me bashkëpronarin e Defense Technologies për një rikthim prej 30 milionë rubla.

Nga kjo shumë, sipas hetimit, oficeri mori 19 milionë rubla.

Për këto para, gardistët rusë që pranuan pajisjet mbyllën një sy për të metat e saj. Trupat e varkave ishin prej polietileni me cilësi të dobët, hetimi është i sigurt dhe nuk e kaloi testin.

Dëmi nga veprimet e Gardës Kombëtare vlerësohet në 262 milionë rubla.

No description available.
No description available.
No description available.
No description available.