Eurostat: Shqipëria destinacioni i parë i turistëve grekë

Bregdeti shqiptar, destinacion i grekëve.

Gjatë vitit 2017, shtetasit grekë, vendi i të cilëve është anëtar i Bashkimit Evropain, patën si destinacion të parë turistik Shqipërinë, doli nga të dhënat e agjencisë evropiane të statistikave, Eurostat, sipas faqes zyrtare të kësaj të fundit, ec.europa.eu.

Sipas Eurostat-it, në raportin me titull “A është vendi juaj popullor për turistët”, raport që i referohet të dhënave të vitit 2017, Shqipëria rezulton destinacioni kryesor i turistëve grekë me 2,1% të netëve të shpenzuara.

Ndërkohë, vendi i dytë i destinacionit të tyre ishte Gjermania me 1% dhe më pas, Shtetet e Bashkuara të Amerikës me 1%, përcjell ATSH.

Ardhja e turistëve grekë në Shqipëri lidhet me faktin se në këtë vend anëtar të BE-së jetojnë rreth 40% e emigrantëve shqiptarë.

Por, grekët që vijnë me pushime në Shqipëri shpenzojnë shumë pak, rreth 27 euro në ditë, ndërkohë që rrinë rreth 11 net.

loading…