Në rrjetin social Twitter, Euronews në rubrikën ‘Pa koment’ ka shpërndarë një video ku shihen serbë të Kosovës në Graçanicë duke u vaksinuar.

“Serbia po vaksinon serbët në Kosovë, ku vaksina ende s’është shpërndarë”, thuhet në mbishkrimin e kësaj videoje.

Serbia është në vendin e parë sa i përket furnizimit me vaksina kundër COVID-19.

Ndërsa, në Ballkanin Perëndimor i vetmi shtet pa asnjë vaksinë është Kosova, ku pritet që kontingjenti i parë të vijë në javën e parë të muajit mars.

Ushtruesja e detyrës së presidentit, Vjosa Osmani, dy ditë më parë gjatë një interviste tha se pritet që Kosova të furnizohet me vaksinat antiCOVID.

Ajo tha se kontingjenti i parë pritet të vijë në javën e parë të muajit mars, ndërsa kontingjenti i dytë në muajin qershor.

Serbia has started vaccinating its own citizens living in Kosovo where vaccines have not yet been rolled out. #NoComment pic.twitter.com/JFAGEWQjDQ

— euronews (@euronews) February 27, 2021