Eskalon analisti në pension: Grenell dhe Palmer janë të angazhuar për të ndarë Kosovën, duan marrëveshje të keqe

Kosova duhet të jetë e gatshme të largohet nga një marrëveshje e keqe, madje edhe nëse ajo mbështetet nga Shtetet e Bashkuara të Amerikës, ka thënë eksperti për çështjen e Ballkanit, Daniel Serwer.

Marrëveshje të keqe e ka kualifikuar çfarëdo ujdie, e cila do të kishte implikime në shkëmbimin e territoreve dhe popullsisë ndërmjet Kosovës dhe Serbisë, shkruan sot “Koha Ditore”, transmeton Ballkani.info

Duke folur për ndryshimet në politikën amerikane, Serwer ka theksuar se Administrata e Trumpit e ka bërë të qartë publikisht se do ta pranonte shkëmbimin e territoreve, gjë të cilën Administratat e mëparshme e kishin përjashtuar.

“Grenell dhe Palmer angazhohen për atë formulë”, ka theksuar ish-diplomati amerikan në Itali./Ballkani.info/