Elon Musk zbulon një Tesla që flet, “çfarë shikon, hip” (VIDEO)

Krijuesi i Teslas, Elon Musk ka prezantuar tiparin më të ri të veturave të tij.

Duke ju referuar këtij tipari si “veturat që flasin”, Musk përmes një videoje ka zbuluar tiparin e ri, ku shihet një veturë duke folur.

Kjo veturë nuk dihet nëse flet nga ‘perspektiva’ e saj apo është e para-programuar, por sido që të jetë, ky tipar është pëlqyer shumë nga njerëzit.

Në këtë video shihet vetura Model 3 duke folur.

Ajo thotë: “mos rri aty vetëm duke shikuar, hip”.

Kjo ka bërë që shumë analistë të shtrojnë pyetjen nëse kjo veturë ka folur duke analizuar ambientin përreth saj, apo ka qenë e komanduar.

Veturës do t’i duheshin shumë sensorë për të qenë e aftë që të flas vetë, pasi duhet të dalloj motin, gjendjen në trafik apo edhe emocionet e atyre që janë përreth, por duke e ditur që Elon Musk është i ‘dashuruar’ me Inteligjencën Artificiale, kjo nuk do të ishte aspak e çuditshme.