Ekstradim
Ekstradohet nga Franca i dënuari për dy vepra penale
Policia e Kosovës njoftoi se është ekstraduar nga Franca A.R., që ishte dënuar për veprat penale “vrasje në tentativë” dhe “armëmbajtje pa leje”.
Në njoftim thuhet se ekstradimi i të dënuarit me 2 vjet e 4 muaj burgim është bërë të martën nëpërmjet Aeroportit Ndërkombëtar të Shkupit.
I dënuari ka lindur në vitin 1995.
“Personi i kërkuar pas përfundimit të procedurave ligjore është dërguar në vuajtje të dënimit. Drejtoria Rajonale e Policisë në Gjilan do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave”, thuhet në njoftimin policor.
