Edi Rama pas djegies së banerit për UÇK-në: Mjeranët që djegin simbole e forcojnë kujtesën
Kryeministri i Shqipërisë, Edi Rama, ka reaguar pas djegies së banerit ‘Liria ka emër’ në Graçanicë, nismë kjo e filluar nga PDK’ja pas arrestimit të ish-krerëve për krime lufte.
Rama, përmes një postimi në llogarinë e tij në ‘Facebook’ ka thënë se ata që djegin simbole e postera, vetëm se e forcojnë kujtesën kolektive.
“#LiriaKaEmër dhe mjeranët që djegin flamuj, simbole apo postera, thjesht forcojnë kujtesën e njerëzve për emrin e Lirisë…”, ka deklaruar i pari i ekzekutivit të Shqipërisë.
