Edhe Olympiacosi pas Vedat Muriqit
Sulmuesi i Kombëtares së Kosovës, Vedat Muriqi ende nuk ka vendosur për të ardhmen e tij.
Por, interesimi nga klube të ndryshme evropiane për ta transferuar sulmuesin shtatlartë, është goxha i madh.
Së fundi interesim ka shprehur Olympiacos, kanë njoftuar të hënën mediumet në Greqi.
Më herët interesim për lojtarin nga Prizreni kanë shprehur edhe gjigantët turq, Galatasaray dhe Fenerbahçe.
Ai edicionin e shkuar shënoi 17 gola dhe kontribuoi me tetë asistime në 34 paraqitje.
Muriqi me Rizesporin ka kontratë deri në verën e vitit të ardhshëm.