Mimoza Kusari – Lila

Edhe Kusari – Lila vepron si shefi i saj, fajëson qeveritë e kaluara për situatën me rrymë

Shefja e grupit parlamentar të Vetëvendosjes, Mimoza Kusari – Lila, ka fajësuar qeveritë e kaluara për situatën me rrymë me të cilën po përballet Kosova, ndonëse ishte pjesë e partive që në kaluarën ishin në pushtet, raporton Gazeta Sinjali.

Në fjalën e saj në Kuvend, sikur shefi i saj dje, kryeministri Kurti, ajo tha se veprimet e partive që kanë qenë më herët në pushtet e sollën këtë gjendje.

“I kot është mendoj rikthimi i deklaratave të anëtarëve të LVV në periudha të caktuar duke iu referuar situatës së sotme. Nuk janë deklaratat e LËVZIEJS që e sollën këtë gjendje, janë veprimet apo mosveprimet e partive në pushtet me të cilat e sollën faturën që sot po ballafaqohemi të gjithë”, tha Kusari – Lila.