Deputeti i Partisë Socialdemokrate, Frashër Kraniqi ka deklaruar se me dëshirë do të largonte presidentin Hashim Thaçi nga roli i tij në dialogun me Serbinë, por nuk mund ta bëjë këtë pasi që është një “dhuratë” nga LDK-ja, rolin e të cilës nuk mund ta minimizoi askush.
Deputeti Krasniqi në një intervistë për KosovaPress, ka përjashtuar mundësinë që cilido subjekt politik në vend mund ta dërgojë në shtëpi presidentin Thaçi.
Duke folur për dialogun me Serbinë, ai thotë se ekipi negociator është duke e luajtur rolin e vet.
I pakënaqur me mënyrën se si po qeveriset Kosova, ai thotë se PSD është e para që ka nënshkruar mocionin për rrëzimin e Qeverisë, ndërkohë që asnjë nga partitë tjera opozitare thotë të mos kenë pasur guximin me e ndërmarrë mocionin e mosbesimit.
I pyetur se pse nuk e ka ndërmarr PSD-ja këtë hap, ai thotë se asnjëra nga partitë nuk i ka votat. E derisa kjo të ndodhë, sipas tij, janë një numër gjërash që si opozitë mund t’i bëjnë për të ndihmuar mirëqenien e qytetarëve të Kosovës.
Në rast se vendi do të shkojë në zgjedhje, Krasniqi thotë se PSD do të kandidojë e vetme në zgjedhje, teksa shprehet i bindur se do të arrijë të ketë rëndësinë e njëjtë në Kuvendin e Kosovës. Ai tregon se për kë kanë vija të kuqe.
Sa i përket Vetëvendosjes, ai thotë se ndjen keqardhje që ka përfunduar me disa figura “dytësore”, duke mosditur t’i mbajë figurat që sot janë PSD. Teksa mohon se PDK mund të ketë qenë shkaktare e ndarjes së Lëvizjes Vetëvendosje.
Krejt në fund, Krasniqi ka folur edhe për taksën që Qeveria e Kosovës ka vënë ndaj produkteve serbe që vijnë në Kosovë, ku ka thënë se nuk është e arsyeshme të thuhet që do të hiqet taksa pa asnjë kusht apo se “do të mbahet gjithmonë”, pasi sipas tij, qëndrimet ekstreme nuk janë të dobishme.
https://www.youtube.com/watch?v=mc2I3LQbSAc







