E tmerrshme: Fëmija 1 vjeç goditet me shuplakë nga edukatorja e kopshtit në Prishtinë VIDEO
Një fëmijë 1 vjeç dyshohet se është keqtrajtuar nga një edukatore e një çerdheje private në Prishtinë. Ngjarja ka ndodhur dje, dhe është raportuar në Polici nga prindi i bebes. Reporteri.net ka siguruar pamje nga kamerat e sigurisë ku shihet edukatorja kur e godet me shuplakë 1 vjeçarin.
Një 1 vjeçar është goditur me shuplake në faqe, nga dadoja e kopshtit “Cambridge Kids” në Cagllavicë të Prishtinës. Ngjarja dyshohet se ka ndodhur të hënën gjatë ditës, derisa për rastin policia është njoftuar në orët e mbrëmjes nga prindi i fëmijës.
Gazeta Online “Reporteri.net” ka siguruar edhe pamje të kamerave të sigurisë të kopshtit në fjalë, që është në pronësi private, e ku shihet momenti kur edukatorja i bie shuplakë bebes 1 vjeçare.
Aty shihet se e gjitha ngjarja ka ndodhur në prani edhe të një punonjëse tjetër të kopshtit, dhe të një fëmije tjetër.
Bebja viktimë e dhunës shihet duke qarë në video, shkruan Reporteri.net. Ndonëse të qarat e tij kishin nisur para se të merrte shuplaken nga punonjësja e çerdhes.
Kopshti për fëmijë “Cambridge Kids”, ku ka ndodhur rasti, ndodhet në një lagje të re të njohur në periferi të Prishtinë.
