E mrekullueshme! Mbyllen xhamitë shkaku i koronavirusit, kjo familje falin namazin e Xhumasë në shtëpinë e tyre

Me mbylljen e xhamive në të gjithë botën për shkak të pandemisë së coronavirusit, një imam palestinez dhe familja e tij mbajtën lutjet e tyre të përjavshme të së premtes në shtëpinë e tyre në Rripin e Gazës.

Sipas medieve të huaja, Saleh Shtaiwi, 24 vjeç, zakonisht udhëheq lutjet javore në një xhami afër shtëpisë së tij të qytetit të Gazës.

Por me mbylljen e xhamive, njerëzit që “e shoqëruan” atë këtë javë ishin prindërit, djali dhe anëtarët e tjerë të familjes të mbledhur në dhomën e ndenjes.

Pas lutjeve, ushqimi u soll dhe u shërbye në të njëjtin vend.

“Lutjet e së Premtes (të Xhumasë) janë të detyrueshme në xhami. Por me mbylljen e xhamive, ne duhet t’i kryejmë ato në shtëpitë tona”, ka thënë Shtaiwi.

Si pjesa më e madhe e globit, autoritetet në Gaza kanë vendosur masa të rrepta distancimi sociale.

Të gjitha tubimet e mëdha janë ndaluar dhe xhamitë dhe shkollat janë mbyllur për të ardhmen e afërt – dhe banorëve u kërkohet të qëndrojnë në shtëpi.

Babai i tij 58-vjeçar Ali tha që ata luteshin që “Zoti të mbrojë njerëzit nga epidemia midis nesh dhe në të gjithë botën”.

Sipas medieve, deri më tani janë konfirmuar 12 raste të coronavirusit në Gaza, të gjitha ato të vendosura nën karantinë.

Ndërkohë mijëra palestinezë që janë rikthyer në Gaza përmes Egjiptit gjithashtu janë karantinuar si masë paraprake.