Policia e Kosovës ka konfirmuar se një grua ka mbetur e vdekur pas të shtënave me armë në rrugën “Dalip Alshiqi” në Prishtinë.
Ballkani.info pak me parë ka raportuar për këtë ngjarje.
Zëdhënësja e Policisë për rajonin e Prishtinës, Flora Ahmeti ka konfirmuar për Ballkani.info se viktima është gjetur në një veturë dhe dyshohet se bëhet fjalë për vrasje me armë zjarri.
“Rreth orës 20:20, kemi pranuar informatën për të shtëna me armë në rrugën “Dalip Alshiqi” në Prishtinë. Policia si dhe mjekët emergjent, menjëherë kanë dalë në vendin e ngjarjes, ku në një veturë kanë hasë një person pa shenja jete. Vdekjen e viktimës (femër) e ka konstatuar ekipi mjekësor në vendin e ngjarjes. Mbështetur në informacionet e para, dyshohet se bëhet fjalë për vrasje me armë zjarri. Policia në koordinim me prokurorinë, ka nisur hetim dhe ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, ka thënë Ahmeti. /Ballkani.info/






