Gjilani që nga fillimi i shfaqjes së pandemisë doli të jetë një nga vatrat e infeksioneve të koronavirusit, por tani disa nga fshatrat ku kishte numër më të madh të të infektuarve rezulton se janë shëruar.

E këtë njoftim e bëri të ditur vetë kryetari I kësaj komune, Lutfi Haziri ,përmes një postimi ku tregoi se fshatrat Zhegër dhe Vrapçiq, ku vijnë rastet e infektimit tani janë shëruar plotësisht dhe nuk janë më vatra të infeksionit.

Haziri paralajmëroi se e njëjta gjë parashihet të ndodh edhe në fshatrat tjerë, dhe në disa lagje të kësaj komune.

‘’Po vazhdojmë në Lladovë, Malishevë të Epërme dhe në lagjen Arbëria me zbatimin e masave strikte, si mënyra e vetme e parandalimit të përhapjes së virusit. Situata është nën kontroll dhe në mbikëqyrje të organeve tona’’, shkroi Haziri.

Ai u bëri thirrje qytetarëve të qëndrojnë në shtëpi, përndryshe mund të ketë dënime ndaj shkelësve të rregullave, dhe nuk do ketë më tolerancë.

Ky është postimi i plotë i Hazirit:

‘’#Dita38. Në Zhegër dhe në Vrapҫiq është mbyllur përfundimisht burimi i infeksionit sepse të gjitha rastet janë shëruar plotësisht. Jam në komunikim me ministrin e Shëndetësisë për lehtësim të masave atje. Edhe në dy raste në qytet është mbyllë burimi i infeksionit të #Covid19.

Po vazhdojmë në Lladovë, Malishevë të Epërme dhe në lagjen Arbëria me zbatimin e masave strikte, si mënyra e vetme e parandalimit të përhapjes së virusit. Situata është nën kontroll dhe në mbikëqyrje të organeve tona

Ju lutem që të vazhdoni të qëndroni në shtëpi sepse nga dje kemi filluar me dënimet mandatore sepse ndaj shkelësve të rregullave nuk ka më tolerancë. Policia e shtetit do të reagojë së bashku me inspekcionin komunal në parandalim, masa dhe instrumente që i aplikojmë në zbatim të ligjit kundër përhapjes së sëmundjeve infektive. #rriNshpi’’